11 мамырда түстен кейін Алматыда Әуезов ауданындағы жеке үйлердің бірінің шатыры өртенді. Көп ұзамай қызыл жалын жақын маңдағы қоймаға қарай тарай бастады, деп хабарлайды kazlenta.kz тілшісі Zakon.kz сайтына сілтеме жасап.
ҚР ТЖМ баспасөз қызметінің мәліметінше, қабылданған шаралардың арқасында өрт 290 шаршы метр алаңда сөндірілді.
Нақтыланған ақпарат бойынша: жеке тұрғын үйдің шатырында өрт шығып, қызыл жалын жеке қоймаға қарай ұласқан.
"Өрт сөндіру бөлімшелерінің жедел іс-қимылдарының арқасында көршілес құрылыстарға оттың таралуына жол берілген жоқ. Зардап шеккендер жоқ", - делінген төтеншеліктер хабарламасында.