Бүгін Желаевселолық округіндегі "Жеңіс" тынымбағында 9 мамыр — Ұлы Жеңіс күнінеарналған салтанатты іс-шара өтті, деп хабарлайды kazlenta.kz тілшісі Батыс Қазақстан облысы әкімдігінің баспасөз қызметіне сілтеме жасап.
Бұл күн – тарих беттерінде алтын әріппенжазылған, миллиондаған жанның ерлігі мен көз жасына толы Ұлы Жеңісті ескеалатын қасиетті мереке.
Іс-шара соғыс және тыл ардагерлеріне тағзым ету мақсатында ұйымдастырылды. Аталмыш күнді ерекше ықыласпен атап өту — елін, жерін қорғаған батырларға деген құрметтің айғағы. Салтанатты жиынға округ тұрғындары, тылеңбеккерлері, округ аумағындағы мекеме қызметкерлері мен оқушылар қатысты.
Мерекелік шара Қазақстан Республикасының Мемлекеттік Әнұранымен басталып, бір минут үнсіздікпен соғыста қаза тапқандар рухына құрмет көрсетілді. Шарада округ әкімі, ардагерлер кеңесінің өкілдері сөз сөйлеп, елүшін от кешкен ерлердің ерлігі мен тылда жанқиярлықпен еңбек еткен жандардың еңбегін атап өтті.
– Бұл күн – жүректе мәңгілік сақталатын күн. Біз бейбітөмір сүріп жатсақ, ол сол батырларымыздың арқасы, – деді сөз сөйлеген округ әкімі.
Іс-шара барысында соғыс туралы әндер шырқалып, оқушылар мен мәдениет үйі қызметкерлері патриоттық тақырыптағы өлеңдер оқыды. Жиналған жұртшылық ардагерлерге гүл шоқтарын табыстап, оларға ерекше ықылас білдірді.
Мереке соңы солдат ботқасын тарату рәсімімен аяқталды. Бұл– майдан даласындағы қарапайым, бірақ мағынасы терең дәстүрдің бірі. Ыстық ботқадан дәм татқан әрбір қатысушы Жеңіс күнінің рухын жүрекпен сезінді.
Осындай тағылымды шаралар жас ұрпаққа өткенді ұмытпау, елінсүю, бейбіт өмірдің құнын түсіну сынды құндылықтарды сіңіруге сеп болады.