Алматыда ҚАЖД қызметкерлері қос мерекені салтанатты түрде атап өтті, — деп хабарлайды kazlenta.kz тілшісі Polisia.kz сайтына сілтеме жасап.
Алматы қаласы бойынша ҚАЖ департаментінің жеке құрамы 7 мамыр – Отан қорғаушылар күні мен 9 мамыр - Жеңіс күнін салтанатты түрде атап өтті. Мерекелік салтанатты ҚАЖД бастығы Е.Ұзақов құттықтау сөзбен ашып, егеменді еліміздің қорғаны– ұлттық әскеріміздің айбыны мен соғыс жылдарындағы ауыр кезеңде қан майданның ортасында Отан үшін от кешкен соғыс ардагерлері мен тыл еңбеккерлерінің ерен ерліктеріне тоқталды. Сондай-ақ ҚАЖД Ардагерлер кеңесінің төрағасы Е.Сағалбаев баяндама жасап, Жеңіс күнін жақындатқан жауынгерлер мен еңбектің бар ауыртпалығын көтерген тыл еңбеккерлерінің қажыр-қайраты жайлы баяндады.
Салтанатты іс-шара барысында қызметтік міндеттерін үлгілі атқарған офицерлердің ата-аналары мен жұбайларына “Офицердің анасы”, “Офицердің әкесі” және “Офицердің жұбайы” медальдары табысталса, 80 адам “Ұлы Жеңіске 80 жыл” медалімен марапатталды. Жеңіс мерекесіне арналған салтанатқа сондай-ақ зейнеттегі бұрынғы департамент пен мекеме бастықтары, ардагерлер шақырылып құрмет көрсетілді. Мерекелік салтанат соңы патриоттық әндер концерті мен салтанатты шеруге ұласты.