Биыл Алматыда 260 шақырым су құбыры желісін салу және қайта жаңғырту жоспарланып отыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл қала тұрғындарын сумен қамту деңгейін 99,9%-ға дейін жеткізуге мүмкіндік береді. Бұл туралы 2025 жылғы сәуір айындағы қала әкімі Ерболат Досаевтың Президентке берген есебінде айтылған.Сәуір айында 190 шақырым су желісін салу бойынша келісімшарт жасалып, оның 16,3 шақырымы салынды. «Ақсай» су тарту нысанындағы жұмыстар 85%-ға орындалды, ал «Ерменсай» нысаны бойынша мердігерді таңдау үшін байқау жарияланды.Жыл басынан бері суды үнемді пайдалану мақсатында 39 мың су есептегіш құрылғы орнатылды. Жыл соңына қарай есептегіштермен қамтылу деңгейі 90%-ға жетпек. Бұл іс-шаралар Президент тапсырмаларын орындауға бағытталған қаланың тұрақты дамуына арналған жоспар аясында іске асырылады.