Көлік полицейлері есірткінің медициналық емес мақсатта қолдануға қарсы күресті күшейтті, - деп хабарлайды kazlenta.kz тілшісі Polisia.kz сайтына сілтеме жасап.
11 наурыздан бастап Қазақстан Республикасының Әкімшілік құқық бұзушылықтар туралы кодексіне енгізілген жаңа түзетулер күшіне енді. Бұл түзетулер есірткі және психотроптық заттарды, олардың аналогтарын, сондай-ақ күшті әсер ететін заттарды медициналық емес мақсатта пайдаланғаны үшін жауапкершілікті көздейді. 2025 жылғы 10 қаңтарда Мемлекет басшысы қол қойған заң қоғамдық қауіпсіздікті нығайтуға және есірткіні тұтынудың алдын алуға бағытталған. Аталған заң нормалары күшіне енгеннен бері Көліктегі полиция департаментінің қызметкерлері осы санаттағы 20 құқық бұзушылықты анықтады. Олардың ішінде 10 азаматқа айыппұл салынса, қалған 10 тұлға әкімшілік қамауға алынды. Мәселен, Жезқазған станциясындағы желілік полиция бөлімінің жедел-іздестіру іс-шаралары барысында, қызметтік иттің көмегімен 32 жастағы Қарағанды қаласының тұрғыны ұсталды.23-04-2025, 17:50
Көлік полицейлері психотроптық заттарды медициналық емес мақсатта қолдануға қарсы күресті күшейтті
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз