СҚО полиция департаменті бастығының орынбасары су тасқыны қаупі бар аумақтардағы полиция бекеттерін тексерді, — деп хабарлайды kazlenta.kz тілшісі Polisia.kz сайтына сілтеме жасап.
Солтүстік Қазақстан облысы полиция департаменті бастығының орынбасары Құрманғали Исмагулов су басу қаупі бар аумақтарда қойылған полиция бекеттерін аралады. Ол Тепличное ауылындағы бөгет маңында, Қызылжар ауданының Прибрежное ауылында және басқа да қауіпті учаскелерде орналасқан бекеттердің жұмысымен танысты. Қазір өңірде барлығы 22 полиция бекеті қойылған. Онда кезекшілік тәртібімен 100-ге жуық полиция қызметкері мен құтқарушы тәулік бойы қызмет атқаруда. Жағдай төтенше қызметтер басшылығының және жергілікті атқарушы органдардың тұрақты бақылауында. Құрманғали Исмагулов бекеттерде қызмет атқару тәртібін тексеріп, қоғамдық қауіпсіздікті қамтамасыз етуге қатысты нақты ұсыныстар берді. Онымен бірге Қызылжар ауданының төтенше жағдайлар бөлімі мен аудандық полиция бөлімінің басшылары және аудан әкімі Сақтаған Сәдвақасов та жұмыс сапарға қатысты.16-04-2025, 17:17
СҚО ПД бастығының орынбасары су тасқыны қаупі бар аумақтардағы полиция бекеттерін тексерді
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз