Петропавлда полицейлер су басуы мүмкін орындарда тәулік бойы кезекшілік атқаруда, – деп хабарлайды kazlenta.kz тілшісі Polisia.kz сайтына сілтеме жасап.
Петропавл қаласының шетіндегі ықтимал су басу учаскелерінде – Заречный кентінде және жақын маңдағы саяжай қоғамдастықтарында полицейлер тәулік бойы кезекшілік жүргізетін бес бекет қойды. Бекеттердегі полицейлердің жұмысын СҚО әкімі Ғауез Нұрмұхамбетов пен СҚО полиция департаментінің бастығы Айдын Қабдұлдинов жеке тексерді. Петропавл қаласы полиция басқармасының бастығы Марат Жұмалиев бірге тексерді.
Жұмалиев адамдарды ықтимал қауіпті учаскелерден толық эвакуациялау туралы, жолдардың жағдайы туралы баяндады. Патрульдеу жүргізілуде. Саяжай тұрғындарының мүлкі тәртіп сақшыларының қорғауында. Сондай-ақ облыстық полиция ведомствосының басшысы су басу қаупін төмендету үшін кеше кешке және өткен түнде жүргізілген инженерлік жұмыстар орындарын аралап көрді. Полиция, құтқару қызметтері мен жергілікті билік жағдайға ұдайы мониторинг жүргізуді жалғастыруда және кез келген өзгерістерге жедел әрекет етуге дайын.