Ішкі істер министрлігінің бірқатар полиция департаментінде кадрлық өзгерістер болды, деп хабарлайды Polisia.kz.
Медиа порталдың жазуынша, Ақмола облысы полиция департаменті бастығының орынбасары болып Фархад Омаров тағайындалған. Ол бұған дейін ІІМ Тергеу департаментінің Аналитикалық жұмыс және алдын ала тергеу басқармасының бастығы болған. Сондай-ақ, Дәурен Ибраев Қарағанды облысы полиция департаменті бастығының орынбасары лауазымына тағайындалған. Жаңа қызметіне дейін ол Қызылорда облысы ПД бастығының орынбасары болып жұмыс істеген.
Бұдан бөлек Қайрат Әбдіғалиев Семей қаласы полиция басқармасының бастығы қызметіне келген. Полиция полковнигі бұған дейін ШҚО Полиция департаменті Криминалдық полиция басқармасы бастығы болған.
2-11-2022, 15:30
ІІМ-нің облыстық полиция департаменттерінде кадрлық ауыс-түйіс болды
Егер мәтінде қате байқасаңыз, оны таңдап, Ctrl+Enter пернелерін басыңыз