ШҚО-да полиция биыл 3 мыңнан астам заңсыз интернет-ресурстарды бұғаттады, - деп хабарлайды kazlenta.kz тілшісі Polisia.kz сайтына сілтеме жасап.
Кәмелетке толмағандардың құқықтарын қорғау және заңға қайшы контентпен күресу мақсатында Шығыс Қазақстан облысының полиция қызметкерлері интернет кеңістікті белсенді түрде қадағалап келеді. 2024 жылы тыйым салынған ақпаратты таратқан 1 770 сайт анықталып, бұғатталды. Бұғаттауға есірткі заттарын ұсынатын, суицидті насихаттайтын, порнографиялық сипаттағы материалдар мен заңсыз онлайн-казино орналастырылған ресурстар анықталды. 2025 жылы бұл бағыттағы жұмыс күшейтілді. Биылғы жылдың алғашқы үш айының өзінде осындай мазмұндағы 3 мыңнан астам сілтеме бұғатталды. Полиция департаменті азаматтарды қырағы болуға, күмәнді интернет-сайттар туралы хабарлауға шақырады. Ортақ күш-жігерімізбен өсіп келе жатқан ұрпақ үшін қауіпсіз ақпараттық орта құруға болады.10-04-2025, 13:10
ШҚО-да полиция биыл 3 мыңнан астам заңсыз интернет-ресурстарды бұғаттады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз