Түркістан облысында полиция мемлекеттік тіркеу нөмірін жасырған 25 жүргізушіні жауапқа тартты, - деп хабарлайды kazlenta.kz тілшісі Polisia.kz сайтына сілтеме жасап.
Орташа жылдамдықты өлшейтін құрылғылар іске қосылғалы бері кейбір жүргізушілер айыппұл арқаламау үшін мемлекеттік тіркеу нөмірін жасырып жүрген. Яғни облыс полицейлері дәл осындай құқық бұзушылық жасаған 25 жүргізушіні анықтады. Тәртіп сақшылары жол қозғалысы ережесін өрескел бұзған бұл жүргізушілерге "Көлiк құралдарын пайдалану қағидаларын бұзу" бабымен әкімшілік хаттама толтырды. Мәселен батальон қызметкерлері Алматы - Ташкент - Термез республикалық маңызы бар тас жолында Шымкент - Сарыағаш бағытында нөмірсіз кетіп бара жатқан Hyundai Grandeur көлігін тоқтатты. Жүргізушінің құжаттарын тексеру кезінде көліктің техникалық байқаудан өтпегені, сақтандыру полисі жоқ екені анықталды. Бұл құқық бұзушылықтар бойынша жүргізушіге үш бірдей хаттама толтырылып, көлік айып тұраққа қойылды.10-04-2025, 08:54
Түркістан облысында полиция мемлекеттік тіркеу нөмірін жасырған 25 жүргізушіні жауапқа тартты
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз