Алматыда барлық аялдама кешені жаңартылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл туралы Алматы әкімі Ерболат Досаев Әуезов ауданының тұрғындарымен кездесуде қаладағы кейбір аялдама кешенінің жағдайына қатысты сұраққа жауап бере отырып мәлімдеді.«Екі жыл ішінде қаладағы барлық аялдама кешенін кезең-кезеңімен жаңартамыз. Олар маршруттар мен автобустардың қозғалысы туралы ақпараттық тақтамен жабдықталады. Жолаушылар санына байланысты аялдамалардың өлшемі әртүрлі болады. Тиісті бағдарлама әзірленді, қаражат бөлінді, ал күзде іске асыруды бастауды жоспарлап отырмыз», — деді Ерболат Досаев.