Түркістанда полиция есірткіге мас халде көлік жүргізген жүргізушіні анықтады, - деп хабарлайды kazlenta.kz тілшісі Polisia.kz сайтына сілтеме жасап.
Түркістан облысы Сайрам ауданында жедел-профилактикалық іс-шара өткізген жергілікті полиция қызметінің қызметкерлері Opel Vectra автокөлігін басқарған 40 жастағы жергілікті тұрғынды тоқтатты. Құжаттарды тексеру кезінде жүргізушінің рульде есірткілік мас халде және құжатсыз тізгіндегені анықталды. Құқық бұзушыға қатысты әкімшілік хаттама толтырылып, көлігі айып тұрағына қойылды. Іс-шара барысында полицейлер барлығы 334 әкімшілік құқық бұзушылықтың жолын кесті, оның 276-сы жол қозғалысы ережелерін бұзу деректері. Тұрғылықты жері бойынша профилактикалық есепте тұрған 407 адам мен 281 қару иесі тексерілді.
Азаматтық қаруды сақтау ережелерін бұзудың 4 фактісі анықталды. Сондай-ақ тәртіп сақшылары ұсақ бұзақылықтың 18 фактісін, абаттандыру ережелерін бұзудың 8 фактісін және басқа да құқық бұзушылықтарды анықтады. Түнгі уақытта заңды өкілдерінің еріп-жүруінсіз үйден тыс жерде болғаны үшін 3 жасөспірімнің ата-анасы полицияға шақыртылды. Сонымен қатар "Қорғау - қауіпті жүргізуші" бағдарламасының көмегімен төленбеген айыппұлдары бар 11 борышкер анықталып, айыптұраққа 14 көлік қойылды.