Алматы әкімі Ерболат Досаев тұрғындармен кездесуде әлеуметтік мекеме қызметкерлерінің жалақысы көтерілгенін мәлімдеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Биыл әлеуметтік қамсыздандыру және білім беру саласының әкімшілік және көмекші қызметкерінің жалақысы 30%-ға ұлғайтылды.Бұл шешімді мәслихат депутаттары қолдады. Әкімнің айтуынша, жалақының көтерілуі қызметкерлердің ынтасын арттырып, әлеуметтік қызмет көрсету орталықтарындағы қызмет сапасын жақсартуға мүмкіндік береді. Бұл саланы қаржыландыру жалғаса бермек.2025 жылға арналған Алматының нақтыланған бюджеті бойынша әлеуметтік салаға арналған шығыс шамамен 40%. Жалақыны көтеру 20 314 қызметкерді қамтиды, олардың ішінде есепшілер, кітапханашылар, психологтар, әлеуметтік және техникалық қызметкер бар.Сондай-ақ медициналық қызметкерді қоспағанда, медициналық-әлеуметтік мекемелердің 1632 қызметкеріне 30% үстемеақы қарастырылған.