Мамандандырылған мектептерге оқушыларды қабылдау Қазақстан Республикасы Білім және ғылым министрінің 2018 жылғы 12 қазандағы № 564 бұйрығына және өзге де нормативтік-құқықтық актілерге сәйкес жүзеге асырылады, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Астана қаласында 4 мамандандырылған мектеп бар, олар: №9 «Зерде», №82 «Дарын», «Дарынды ер балаларға арналған «Білім-инновация» лицей-интернаты, «Дарынды қыз балаларға арналған «Білім-инновация» лицей-интернаты.
Қабылдау шарттары:
• Оқушылар конкурс негізінде қабылданады.
• Тестілеу және іріктеу рәсімдері мектептің бейініне байланысты әртүрлі болуы мүмкін (мысалы, жаратылыстану-математика бағытындағы мектептерде – математика және логика бойынша тест, т.б.).
Қажетті құжаттар:• Өтініш (ата-аналар немесе заңды өкілдер тарапынан).
• Баланың туу туралы куәлігінің көшірмесі. • Оқу үлгерімі туралы табель (мектеп ұсынған талаптарға сәйкес).
• Медициналық анықтама (№ 026/у және № 063/у формалары).
• 3x4 см көлеміндегі фотосурет (2 дана).
Қабылдау мерзімі: Құжаттар қабылдау және тестілеу кезеңдері мамандандырылған мектептердің ережелеріне сәйкес жыл сайын белгіленеді. Әдетте, құжаттар қабылдау көктем және жаз айларында өтеді.Қосымша ақпарат алу тиісті мамандандырылған мектептің ресми сайтына жүгінуге болады.
• № 9 «Зерде» мектебі 7-сыныптан бастап қабылданады. Құжаттар қабылдау мерзімі: 2025 жылдың 1 ақпанынан 15 сәуірге дейін www.Qabyldau.daryn.kz сайты арқылы.
• №82 «Дарын» мектебі 5-сыныптан бастап қабылданады. Құжаттар қабылдау мерзімі: 2025 жылғы 1-15 тамыз аралығында www.82licei-nur.edu.kz сайты арқылы.
• «Дарынды қыз балаларға арналған «Білім-инновация» лицей-интернаты» 6-сыныптан бастап қабылдайды. Құжаттар қабылдау мерзімі: 2025 жылдың 1 ақпаннан 12 сәуірге дейін www.bilemtihan.kz сайты арқылы.
• «Дарынды ер балаларға арналған «Білім-инновация» лицей-интернаты» 6-сыныптан бастап қабылдайды. Құжаттар қабылдау мерзімі: 2025 жылдың 1 ақпанынан 12 сәуірге дейін www.bilemtihan.kz арқылы.