Еліміздің аймақтарында боранды күні жолда қалып қойған 133 адам эвакуацияланды. Бұл туралы ҚР Төтенше жағдайлар министрлігінің баспасөз қызметі мәлім етті, деп хабарлайды kazlenta.kz тілшісі Қазақпаратқа сілтеме жасап.
Баспасөз қызметінің мәліметтеріне қарағанда, Жамбыл облысы Жуалы ауданында «Алматы-Ташкент-Термез» трассасының жабық учаскесінде тұрып қалған жол талғамайтын автокөліктен 7 адам, оның ішінде 1 бала жылыту пунктіне эвакуацияланды.
Ал Ақтөбе облысы Баганин ауданы Көкбұлақ ауылынан 15 км қашықтықта қар құрсауында қалған жеңіл автокөліктен 5 адам жақын елді мекенге эвакуациялады.
Оған қоса, Алматы облысы Кеген ауданы Жалаулы ауылының маңында қарға көміліп қалған жеңіл автокөліктен 1 адам эвакуацияланды.
Сондай-ақ Түркістан облысы Түлкібас ауданы Шақпақ ауылының маңында жолдың жабық учаскесінде көліктердің кептелісі пайда болып, 2 автобус жолда қалып қойды.
ТЖМ құтқарушылары ішінде 19 бала бар 120 жолаушыны жақын жылыту пунктіне эвакуациялады. Медициналық көмекке ешкім мұқтаж болған жоқ.
Азаматтар құтқарушыларға жедел әрекеттері үшін алғыс білдірді.
Осыған дейін күннің бұзылуына байланысты Алматы облысында жол жабылғаны туралы жаздық.