Алматыда екі мыңға жуық ірі көлемді ағаш отырғызылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда Республика алаңы мен Әл-Фараби даңғылы бойындағы жасыл желектердің жағдайына арналған баспасөз туры өтті. Оған Жиембаев атындағы Қазақ ғылыми-зерттеу институтының ғалымдары, «Eco Almaty» мамандары және БАҚ өкілдері қатысты.Сарапшылар апатты, қураған және әлсіреген ағаштарды анықтады, олардың көпшілігін ауыстыру қажет.ҚазҒЗИ ғылыми қызметкерінің айтуынша, ағаштардың жағдайының нашарлауына ішкі шірік, аурулар немесе зиянкестер себеп болуы мүмкін. Сәтбаев көшесінде ағаштардың 50%-дан астамы зақымдалған және кесуді қажет етеді. Әл-Фараби даңғылында да қазіргі ағаштарды қылқан жапырақты түрлерге ауыстыру ұсынылады.Әл-Фараби даңғылындағы 961 ағаштың 55-і апатты жағдайда деп танылды, 42-сі көшіріледі. Мұнда 294 жаңа ағаш (шаған, шегіршін) отырғызу жоспарланған. Ал Сәтбаев көшесінде 17 апатты жағдайдағы ағаштың орнына 28 ірі көлемді ағаш егіледі.2025 жылдың көктемінде Алматыда 2 000 ірі көлемді ағаш отырғызу көзделген.