Алматыда Айнабұлақ шағынауданында, Жұмабаев көшесінде 24 ақпанға қараған түні жол-көлік оқиғасы орын алып, екі адам зардап шекті, деп хабарлайды kazlenta.kz тілшісі Zakon.kz сайтына сілтеме жасап.
Алдын ала ақпарат бойынша, Жұмабаев көшесімен батыс бағытта келе жатқан BMW X5 автокөлігін Hyundai Elantra көлігі соғып кеткен.
BMW жүргізушісі апаттан қашпақ болып, қарсы жолаққа шығып, Hyundai Accent көлігімен соқтығысқан.
Қатты соққы екі көлікке де айтарлықтай зақым келтірді. BMW арықтан өтіп, тіреле тоқтаған.
Екі жүргізуші де жарақат алып, ауруханаға түсті. Ал, Hyundai Elantra жүргізушісі оқиға орнынан ізін суытып үлгерген.
Жол полициясының қызметкерлері апаттың барлық жағдайларын анықтау үшін тергеу жүргізуде.
Бұған дейін Павлодарда көлік айдап келе жатқан тұрғынның қайтыс болғаны хабарланған болатын.