Алматыда қала әкімінің тапсырмасымен «2030 жылға дейінгі және 2040 жылға дейінгі болашағы бар жылумен жабдықтауды дамыту жоспары» әзірленді, деп хабарлайды kazlenta.kz тілшісі Алматы қаласы әкімдігнің баспасөз қызметіне сілтеме жасап.
Бұл туралы мәслихаттың XXVII сессиясында хабарланды. Құжат жылу желілерін жаңғыртуды, ескірген жабдықтарды ауыстыруды, сондай-ақ, Қайрат шағын ауданында және келешекте салынатын аудандарда қазандықтар салуды қамтиды.Жоспар алдағы онжылдықтарға ресурстарды тиімді бөлуге және болашақта сенімді жылумен қамтамасыз етуге мүмкіндік береді.Алматыда 25 жылдан асқан жылу желілерінің үлесі өсіп келеді, себебі иесіз желілер қала балансына қабылданып жатыр. 2040 жылға қарай жылу желілерінің тозу деңгейін 20%-дан астамға төмендету жоспарланып отыр.Жаңа технологияларды енгізу апаттық жағдайдың қаупін азайтып, қызмет көрсету сапасын жақсартуға көмектеседі.Бүгін, 12:40
Алматыда жылумен жабдықтауды дамыту жоспары әзірленді
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз