Жетісу облысында полиция есірткі сақтаумен айналысқан күдіктіні ұстады, - деп хабарлайды kazlenta.kz тілшісі Polisia.kz сайтына сілтеме жасап.
Панфилов ауданында жүргізілген жедел іс-шаралар барысында Түркістан облысының 21 жастағы тұрғыны заңсыз есірткі сақтау ісімен айналысқаны анықталды.
Тінту кезінде күдіктіден жалпы 111 орам есірткі тәркіленді: 21 орам a-PVP психотроптық заты оның сырт киімінің қалтасынан, 90 орам барсеткасының ішінен табылды.
Сонымен қатар полиция қызметкерлері жасырын қойылған есірткінің орындарын анықтап, тағы 11 орамды тапты. Жалпы алынған a-PVP мөлшері 63,3 граммды құрады.
Қазіргі уақытта күдікті қамауға алынып, тергеу амалдары жүргізілуде. Заңнамаға сәйкес, есірткі және психотроптық заттарды заңсыз сақтау үшін 10 жылдан 15 жылға дейін бас бостандығынан айыру және мүлкін тәркілеу жазасы қарастырылған.