ІІМ Интерпол Ұлттық орталық бюросының сұрауы бойынша Алматы халықаралық әуежайында полицейлер 33 жастағы Сербия мен Түркия азаматын ұстады, - деп хабарлайды kazlenta.kz тілшісі Polisia.kz сайтына сілтеме жасап.
Ер адам Түркия Республикасының құқық қорғау органдарымен іздеуде жүрген.
Анықталғандай, 2021 жылы күдікті басқа адамдармен бірге Ыстамбұлға теңіз арқылы "кокаин" есірткі затын жеткізуді ұйымдастырған.
Қаскөйдің ұсталуы екі елдің құқық қорғау органдарының тығыз халықаралық ынтымақтастығының нәтижесін көрсетті.