Қостанай облысында бір апта ішінде 19 мас жүргізуші ұсталды, – деп хабарлайды kazlenta.kz тілшісі Polisia.kz сайтына сілтеме жасап.
Қостанай облысында өткен аптада полицейлер жол қозғалысы ережелерінің 3 мыңға жуық бұзушылығын анықтады. Жолдардағы қауіпсіздікті қамтамасыз етуге ерекше назар аударылды, оның барысында 19 жүргізуші масаң күйде ұсталды.
Естеріңізге сала кетейік, көлік құралын масаң күйде басқарғаны үшін 15 тәулікке қамауға алу және 7 жылға дейінгі мерзімге көлік жүргізу құқығынан айыру түріндегі жаза қарастырылған.
Сонымен қатар полиция қызметкерлері қоғамдық тәртіпті белсенді түрде қамтамасыз етті. Адамдар көп жиналатын жерлерде және отбасылық жанжалдар туралы хабарлар бойынша бұзушылықтарды анықтау бойынша жұмыстардың нәтижесінде медициналық айықтырғыш орнына 540 құқық бұзушы орналастырылды.
Бұзушылықтарды анықтауда цифрлық технологиялар маңызды рөл атқарады. Өткен аптада ғана бейнебақылау камераларының көмегімен қоғамдық тәртіпті және жүргізушілердің тарапынан мыңға жуық бұзушылық тіркелді.
Полиция облыс тұрғындарын құқықтық тәртіпке бей-жай қарамауға және заң бұзушылықтың кез келген фактілері туралы уақытылы хабарлауға шақырады.