СҚО-да полицейлер мен жол ұйымының қызметкерлері қамыс арасынан көлікті сүйреп шығарды, – деп хабарлайды kazlenta.kz тілшісі Polisia.kz сайтына сілтеме жасап.
СҚО-да полицейлер Жамбыл ауданынан Renault Duster автокөлігімен келе жатқан 37 жастағы жүргізушіге көмек көрсетті. Ол 16 желтоқсан күні Мамлют ауданында Мамлютка — Қостанай автожолының бесінші шақырымында көпірден төмен қарай бет алмақ болғанда көлік тізгініне ие бола алмай, жол бойындағы қамыстың арасына түсіп кеткен.
Автокөлік жүргізушісі өз бетімен көлігін омбы қардан шығара алмады. Оны жол үстіне шығару үшін ДЭУ-67 мекемесінің басшылығы ұсынған ауыр техника қажет болды. Тәртіп сақшылары құтқару жұмыстары кезінде жол қауіпсіздігін қамтамасыз етті. Ешкім зардап шеккен жоқ.