Елордада ұландық сарбаздар азаматтарға көмек көрсетті, – деп хабарлайды kazlenta.kz тілшісі Polisia.kz сайтына сілтеме жасап.
12 желтоқсан күні қоғамдық тәртіпті сақтау барысында ҚР ІІМ Ұлттық ұланының 5573 әскери бөлімінің сарбаздары елорда тұрғыны мен шетелдік азаматқа жедел көмек көрсетті.
Алғашқы оқиға Мәңгілік ел даңғылы мен Д. Қонаев көшесінің қиылысында сағат 15:00 шамасында тіркелді. Патрульдеу кезінде қатардағы жауынгер Дәулет Азамат жылап тұрған баланы байқап, дереу әрекет етті.
Оның айтуынша баланың жанына жақындағанында оның шамамен 7 жасар қыз бала екенін және қосымша сабаққа бара жатып жолынан адасып қалғанын байқаған. Бірден жағдайды лейтенант Александр Дрягинге хабарлап, іздеу жұмыстарын ұйымдастырған. Көп ұзамай қыздың анасын тауып, аман-есен табыстаған.
Екінші оқиға Ақмешіт көшесіндегі «MEGA SILKWAY» сауда-ойын-сауық орталығының жанында тіркелді. Патрульдік қызмет барысында Тәжікстан азаматы өзін өте нашар сезініп тұрғанын айтып, көмек сұраған. Қатардағы жауынгер Елжас Дүйсешев бұл туралы дереу лейтенант Мағжан Есенбаевқа хабарлаған.
Оқиға орнына шұғыл медициналық көмек шақырылып, науқас медицина қызметкерлерінің қолына тапсырылды. Ұландардың жедел және кәсіби әрекеттерінің арқасында тағы бір адамның өмірі сақтап қалды.