Оралда тәртіп сақшылары тұрғыннан есірткі салынған 6 zip-пакетті тәркіледі, – деп хабарлайды kazlenta.kz тілшісі Polisia.kz сайтына сілтеме жасап.
9 қараша күні Орал қаласы ПБ патрульдік полиция батальонының жаяу патрульдік жасағының қызметкерлері Сұлтанбек Кубашев пен Батырхан Идаятов күдікті ер адамды тоқтатып, жеке тексеру жүргізді. Нәтижесінде оның шалбарының қалтасынан ерекше иісі бар жасыл-сұр түсті өсімдік затымен толтырылған 6 zip-пакет табылып, тәркіленді.
Тексеру барысында ұсталған азамат Бәйтерек ауданының 33 жастағы тұрғыны екені анықталды. Аталған дерек бойынша сотқа дейінгі тергеу амалдары басталды.
Айта кететін жайт, бір апта ішінде жаяу патрульдік жасақтар 4 қылмыстың ізін суытпай ашып, 2 мыңнан астам әкімшілік құқық бұзушылықты анықтаған.