Павлодарда табиғат қорғау заңнамасын бұзудың 70-ке жуық дерегі тіркелді, – деп хабарлайды kazlenta.kz тілшісі Polisia.kz сайтына сілтеме жасап.
Павлодарда полицейлер табиғат қорғау заңнамасын бұзудың 70-ке жуық фактісінің жолын кесті. Нәтижесінде 300 келіден астам заңсыз ауланған балық ресурстары, балық ресурстарын заңсыз өндірудің 3 фактісі және орманды ұсақ жымқыру фактісі тәркіленді.
– Мысалы, Успен ауданының тұрғындары Қозыкетен ауылының маңындағы көлде 286 келіден астам балық аулады. Балық ресурстарын заңсыз өндіру фактісі бойынша сотқа дейінгі тергеу жүргізілуде, тәркіленген балық сараптамаға жіберілді, – деді Павлодар облысы ПД жергілікті полиция қызметінің бастығы Қуаныш Мұстафинов.
Естеріңізге сала кетейік, “Браконьер” жедел-профилактикалық іс-шарасы ел аумағында 2024 жылғы 20 қазаннан 19 қарашаға дейін өткізіледі.