Экология министрлігінің баспасөз қызметі Ақтаудың жазық даласында өлі табылған қоқиқазға қатысты деректі назарға алды, деп хабарлайды kazlenta.kz тілшісі Zakon.kz сайтына сілтеме жасап.
Маңғыстау облыстық орман шаруашылығы және жануарлар дүниесі аумақтық инспекциясы "Кендірлі-Қайасан" қорық аймағының инспекторларымен бірлесіп, "Қаражанбас" және "Қаламқас" кен орындарына және іргелес жатқан аумақтарға қоқиқаз өлімі фактісі бойынша зерттеу жүргізіп жатыр.
Қазан айының алғашқы күндерінен бастап құстар жылы жаққа қайта бастайтыны айтылады. Оның ішінде "Қарақия-Қаракөл" қорығының Қаракөл аумағына қоқиқаздар ұшып келеді. Қорық инспекторларының айтуынша, бүгінгі күні Қаракөлге 150-ге жуық қоқиқаз ұшып келген.
"Қорған инспекторлары көл жағалауын үнемі тексеріп отырады, Қаракөл аумағында құстардың өлімі анықталған жоқ. "Қаражанбас" және "Қаламқас" кен орындары Ақтау қаласынан 250-300 шақырым қашықтықта, Каспий теңізіне жақын орналасқан. Осыған байланысты, көші-қон кезеңінде, соның ішінде арық-тұрық қоқиқаздардың өлімі жағдайлары кездеседі. Қазіргі уақытта облыс аумағында қоқиқаздар мен басқа құстардың жаппай өлімі тіркелген жоқ", делінген хабарламада.
Сондай-ақ, қорық аймағының инспекторлары әлі де қадағалау жұмыстарын жүргізуде.