Алматыда 23 қыркүйектен бастап балабақша педагогтарына арналған біліктілікті арттыру курстары басталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл үшінші кезеңде ерекше білім беру қажеттілігі бар балалармен жұмыс істейтін мамандар қатысып жатыр. Үш аптаға жалғасатын курста мектепке дейінгі және инклюзивті білім беру саласындағы заманауи тренд қамтылған. Педагогтар түзету жұмыс әдістерін меңгеріп, сенсорлық интеграция мен балаларды әлеуметтік бейімдеудің заманауи тәсілдерін меңгереді. Биыл 440 педагог оқытылады, олардың 150-і арнайы педагог. Олар психофизикалық ақауларды түзету, балалардың моторикасы мен сөйлеуін дамыту, әлеуметтік бейімделуіне көмектеседі.Курстың мақсаты – білім сапасын арттыру және балалардың толыққанды дамуына жағдай жасау. Оқу біткен соң қатысушыларға біліктілікті арттыру туралы сертификат беріледі.28-09-2024, 13:34
Алматыдағы инклюзивті білім беру: педагогтарға арналған курстар басталды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз