Астанада өңірлерден келген тауар өндірушілердің қатысуымен ауыл шаруашылығы жәрмеңкелерінің маусымы басталды. Олар әр демалыс күндері 27 қазанға дейін өтеді. Елордаға өз өнімдерін бірінші болып Ақтөбе, Атырау және Жамбыл облыстарының аграршылары әкелді, деп хабарлайды kazlenta.kz тілшісі қала әкімдігінің ресми сайтына сілтеме жасап.
Жәрмеңкелер 21 қыркүйек пен 27 қазан аралығында демалыс күндері өтеді.
Жәрмеңке ұйымдастырушыларының айтуынша, мұнда өнімдерді сауда дүкендеріне қарағанда арзанырақ сатып алуға болады, өйткені сөредегі өнімдер тікелей тауар өндірушілерден ұсынылады.Елордалық жәрмеңкедегі ассортимент алуан түрлі. Мұнда бал, жемістер, көкөністер, балық, ет және сүт өнімдерін сатып алуға болады.Жамбыл облысы Меркі ауданының омарташысы Андрей Иванников елордадағы жәрмеңкеде алғаш рет келіп тұрған жоқ.
Жалпы, Ақтөбе, Атырау және Жамбыл облыстарының ауыл шаруашылығы тауар өндірушілері жәрмеңкеге 125 тонна ет және ет өнімдерін, 250 тонна көкөніс пен жеміс-жидек, 26 тонна сүт өнімдерін, 22 тонна балық, 26 мың дана жұмыртқа, 2 тонна нан-тоқаш өнімдерін және 60 тонна басқа да азық-түлік өнімдерін әкелді. Оларды нарықтық бағадан 10-15% төмен арзан сататын болады.Жәрмеңкеге Жамбыл облысынан Әміре Берікжан иісі мұрын жаратын жеміс әкелді.
Айта кетейік, биыл жәрмеңке «Қазанат» ипподромына қарама-қарсы, Қарқаралы тас жолында өтеді.Сондай-ақ, елорда тұрғындары мен қонақтарына ыңғайлы болу үшін жәрмеңкелерді өткізу кезеңінде № 18, 37, 303 және 323 автобустары қатынайды.