Алдағы демалыс күндері Астанада жыл сайынғы ауыл шаруашылығы жәрмеңкелерінің маусымы басталады, онда ел өңірлерінің тауар өндірушілері өз өнімдерін ұсынады. Елордаға бірінші болып Ақтөбе, Атырау және Жамбыл облыстарының шаруалары келеді, деп хабарлайды kazlenta.kz тілшісі қала әкімдігінің ресми сайтына сілтеме жасап.
Осы демалыс күндері, 21 және 22 қыркүйекте елордада Ақтөбе, Атырау және Жамбыл облыстарының тауар өндірушілерінің келуімен алғашқы ауыл шаруашылығы жәрмеңкесі өтеді. Олар 125 тонна ет және ет өнімдерін, 250 тонна көкөніс пен жеміс-жидек, 26 тонна сүт өнімдерін, 22 тонна балықты, 26 мың дана жұмыртқаны, 2 тонна нан-тоқаш өнімдерін және 60 тонна өзге де азық-түлік өнімдерін – барлығы 400 тоннадан астам тауар жеткізеді.Жәрмеңкеде концерттік бағдарлама өтеді.Айта кетейік, биыл жәрмеңке «Қазанат» ипподромына қарама-қарсы, Қарқаралы тас жолы, 1 мекенжайында өтеді. Елорда тұрғындары мен қонақтарына ыңғайлы болу үшін жәрмеңкелерді өткізу орнына №18, 37, 303 және 323 автобус маршруттары қатынайтын болады.Ауыл шаруашылығы жәрмеңкесі сағат 9.00-ден 18.00-ге дейін жұмыс істейді.Кеше, 17:01
Астанада өтетін жәрмеңкеге үш облыстың тауар өндірушілері 400 тоннадан астам өнім әкеледі
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз