Эпатажды қазақстандық топ алдағы іс-шараның хэдлайнерлерінің бірі болмақ. Фестивалге қатысушы басқа жұлдыздар кейін жарияланады, деп хабарлайды Kazlenta.kz
Q-pop музыкалық бағытының негізін қалаушы танымал Ninety One тобы комикс индустриясына арналған Қазақстан мен Орталық Азиядағы бірінші Comic Con фестивалінің музыкалық алаңында өнер көрсететін болды. Ауқымды концерт 2 маусымда, фестивальдің соңғы күнінде өтеді деп күтілуде. Сондай-ақ, ұжымның жанкүйерлері музыканттармен фото және қолтаңба сессияларына қатысу мүмкіндігіне ие болады.
2015 жылы құрылған Ninety One тобы өзіндік музыкалық мәнерімен, сондай-ақ, эпатажды имиджнің арқасында қалың жұртшылықтың назарын өздеріне бірден аударды. Жігіттер миллиондаған жанкүйерлердің жүрегін жаулап қана қоймай, Q(qazaq)-pop музыкалық бағытына қызығушылықтың жаңа толқынын өрлетті.
Q(qazaq)-pop - Ninety One тобы негізін салған Қазақстанда қалыптасқан жаңа музыкалық субкультура. Q-popта Батыс электропы, хип-хоп, заманауи ритм-н-блюз және би музыкасының элементтері бірлескен.
Бүгінгі таңда поп-топтың репертуарыда 19 ән, "Айыптама" шағын альбомын және "Qarangy Zharyq" толық студиялық жазбасы бар. Ең танымал синглдары - "Айыптама", "Қайтадан", "Қалай Қарайсың", "Su Asty", "All I Need" және т. б.
Ninety One тобының продюсері қазақстандық ORDA музыкалық тобының мүшесі -Ерболат Беделхан.
Бүгінгі таңда топтың есебінде EMA сыйлығының 6 марапаты бар. 2019 жылы NinetyOne "I Can See Your Voice" кәріс телешоуына қатысып, жеңімпаз атанды.
Естеріңізге сала кетейік, Comic Con халықаралық фестиваль-көрмесі Қазақстанның елордасында 31 мамыр мен 2 маусым аралығында өтеді.
Бұған дейін хабарланғандай, іс-шараға ресейлік танымал кино және комикс блогерлері Денис Оптимистер және Вика Кисимяка қатысады. Оптимистер "Комикс жасаудың қажеті не?" тақырыбында лекция оқып, авторлар аллеясында өзінің мерчін ұсынады. Вика Кисимяка өз кезегінде қатысушы аудиториямен "сұрақ-жауап" өткізіп, қолтаңба беріп, фотосессия жасап, авторлар аллеясында авторлық мерчендайз ұсынады.
Сонымен қатар, Comic Con аясында Жарқын костюмделген шоу форматында косплей байқауын өткізу жоспарлануда. Байқаудың қазылар алқасына танымал ресейлік модельдер мен косплеерлер Ирина Мейер, Илона Бугаева, Геша Петрович, Ксения Шелковская, Григорий Айрапетян, сондай-ақ, эстониялық кәсіби крафтер мен косплеер Мария Давыдова кіреді.
Comic Con фестивалі балаларды қорғау күніне орайластырылған, ал фестивальді Қазақстанда Astana Convention Bureau атынан Нұр-сұлтан әкімшілігі ұйымдастыруда.
Іс-шара бағдарламасы аясында комикс әлемінің жаңалықтары мен жаңа өнімдерінің тұсаукесерлері, фильмдер мен сериалдардың арнайы көрсетілімдері, панельдік сессиялар мен мастер-класстар, киберспорт бойынша чемпионат, комикстер көрмесі, сондай-ақ сыйлықтар мен естелік сыйлықтардың ұтыс ойындары ұсынылады.
Іс-шара билеттері жобаның ресми сайтында қолжетімді - www.comicconastana.com
Сондай-ақ, билеттерді Zakazbiletov.kz сайтында және осы сайтта көрсетілген сату нүктелерінде ала аласыз.
Іс-шараның өткізілу орны - ЭКСПО Конгресс-орталығы, Нұр-сұлтан қаласы.
*Серіктестік материал