Ru  Kz
Барлық жаңалықтар

Хоккейден өткен халықаралық турнирде Қазақстан құрамасы күміс жүлдеге ие болды

Хоккейден өткен халықаралық турнирде Қазақстан құрамасы күміс жүлдеге ие болды
Фото: polisia.kz

Қазақстан құрамасы Ислам елдерінің хоккей турнирінде күміс жүлдеге ие болды. Құрама сапында ШҚО полицейлері де сайысқа түсті, – деп хабарлайды kazlenta.kz тілшісі Polisia.kz сайтына сілтеме жасап.

15-ші “Ресей – Ислам әлемі: Kazan Forum” халықаралық экономикалық форумына орайластырылған халықаралық турнир Қазан қаласында 11-15 мамыр аралығында өтті.
Қазақстанның намысын “Oskemen” командасы қорғады, оның құрамына Шығыс Қазақстан облысы полиция департаментінің қызметкерлері Серік Шидеринов және Георгий Обухов кірді.

А тобында Татарстан, Қырғызстан, Қазақстан құрамалары, сондай-ақ Түркия, Моңғолия және Ливанның аралас командалары ойнады. В тобында Иран, Бахрейн, Әзірбайжан құрамалары, сондай-ақ Моңғолия мен Пәкістанның аралас командалары өнер көрсетті.

Өз тобындағы көшбасшылық үшін қызу шайқастарда Oskemen командасы Қырғызстан мен Түркияны жеңді. Алайда А тобындағы жартылай финалда Қазақстан құрамасы шешуші кездесуде матчтан кейінгі соққылар сериясында 3:2 есебімен алаң иелері Татарстан құрамасына алтынды берді.

Шығысқазақстандық полиция қызметкерлері іс-шараның жоғары деңгейде ұйымдастырылғанын және жылы қарсы алғанын атап өтті.

– Эмоциялар жағымды, турнирді ұйымдастыру жоғары деңгейде болды, бізді де жақсы қарсы алды. Өкінішке орай, 1-орынды алу мүмкін болмады. Бұдан былай біз тек алға ұмтылатынымызға, деңгейімізді көтеріп, ештеңеден кем түспейтінімізге және жақсырақ болуға тырысатынымызға сенімдімін, – дейді полиция лейтенанты Обухов.

Полиция майоры Серік Шидеринов 30 жылдан астам уақыт бойы хоккеймен айналысады. Алғаш рет ол 6 жасында конькиге тұрып, содан бері хоккейден қол үзген емес. Өткен жылы Халықаралық әуесқой турнирде Қазақстан құрамасының құрамында “Oskemen” командасы қатысып, 2-орынға ие болған.

Полиция лейтенанты Георгий Обухов 5 жасынан бастап хоккей ойнайды. Жас кезінен бастап ол “Торпедо”, “Атырау” және “Павлодар” командаларының намысын қорғаған, соңғысында капитан болған. 22 жасында хоккейші ретінде кәсіби мансабын аяқтады. 2023 жылы ішкі істер органдарының қатарына қосылды.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Бүгін Димаш Құдайберген 30 жасқа толды
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Мультимедиа
Мемлекет басшысы Қазақстан-Сингапур бизнес форумында сөз сөйледі
Марат Сұлтанғазиев су тасқынына қарсы іс-шараларға қатысқан әскерилерді марапаттады
Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясын өткізді
Олжас Бектенов Nazarbayev University ғылыми әзірлемелерімен танысты
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты