ҚР ТЖМ Құлсарыда су айдау жұмыстары тәулік бойына жүргізіліп жатқанына қарамастан, бүгінде 300-ден астам жеке тұрғын үй әлі күнге су астында екендігін мәлімдеді, деп хабарлайды kazlenta.kz тілшісі Zakon.kz сайтына сілтеме жасап.
1 мамырда Құлсарыда жылжымалы сорғы станциялары мен мотопомпалардың көмегімен, су басқан аумақтардан 216 мың текше метрден астам су сорылғаны хабарланған.
ҚР ТЖМ құтқарушылары су тасқыны кезеңі басталғаннан бері 2564 үйден 3 миллион текше метрден астам су сорған.
Айта кетейік, Атырау облысы Жылыой ауданының Құлсары қаласында қалпына келтіру жұмыстары жалғасып жатыр: кейінгі тәулікте 55 үй газға, 25 үй электр қуатына қосылды.