Ұлытау облысында асыранды балаларды құлдықта ұстаған әйел ұсталып, қамауға алынды, деп хабарлайды kazlenta.kz тілшісі BAQ.KZ сайтына сілтеме жасап.
Бұл туралы Бала құқықтары жөніндегі уәкіл Динара Зәкиева Instagram-дағы парақшасында хабарлады. Бұған дейін хабарлағанымыздай, асыранды балалар 5 жыл бойы фермада жұмысқа жегіліп, құлдықта болған.
Бір отбасынан шыққан үш бала 1 қыз және 2 ұл анықталды. Патронаттық отбасы оларды балалар үйінен 2018 жылы балалар 14, 12 және 8 жаста болғанда алған. Балалардың үлкендерін қаладан 20 км қашықтықтағы өз фермаларында ұстап, мал бағуға мәжбүрлеген. Кеше жүргізілген жұмыстардың нәтижесінде Ұлытауда балаларды құлға айналдырған әйел ұсталып, уақытша ұстау изоляторына қамалды, - деп жазды Динара Зәкиева.