Алматы полицейлері екі ұрлықтың бетін ашты, – деп хабарлайды kazlenta.kz тілшісі Polisia.kz сайтына сілтеме жасап.
Алматы қаласы Жетісу ауданының полиция қызметкерлері қала дүкендерінде жасалған екі ұрлықтың бетін ашты. Бірінші жағдайда қаскөй спорт дүкенінен кроссовкаларды ұрлап кеткен. Тағы бірінде – жеңіл ақшаға құмар адам 45 мың теңгенің тұтыну тауарларын қолды қылған. Екі қылмыс та бейнебақылау камераларына жазылып қалған.
– Жедел-іздестіру іс-шараларының нәтижесінде аталған қылмысты жасады деген күдікпен 1969 жылы туған Ц.есімді азамат және 1986 жылғы К.есімді азамат ұсталды. Екі айыпталушыға қатысты ҚР ҚК-нің 188-бабы 1-бөлігі бойынша қылмыстық істер тергеліп жатыр. Ұсталғандардың жеке басы басқа да ықтимал эпизодтарға қатысы бар-жоғына тексерілуде, – деді Жетісу аудандық полиция басқармасының бастығы Жәнібек Шынасылов.
ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.