Шымкенттегі Қажымұқан атындағы Орталық стадиондағы жаңғырту жұмыстары бірнеше ай бұрын басталған болатын.UEFA стандарттары мен IAAF 4 халықаралық талаптарына сай қайта құрылған алаң бүгінде ел игілігіне пайдалануғап берілді.
Спорттық нысан айналасына медиафасадтар, фитнес орталықтары, ресторан, автотұрақ, спорттық және басқа да дүкендер орналасқан. Орталық алаңның төбесі жабылған, еліміздегі ең заманауи стадион болмақ.
Алаңның ашылу салтанатына қала әкімі Ғабит Сыздықбеков арнайы қатысып, мегаполистің спорт сүйер қауымы үшін орын алған айтулы оқиғамен құттықтады. Естеріңізге сала кетейк, ескі алаң жабдықтары тозығы жетіп жарамсыз күйге жақын қалған болатын. Сапалы жаттығу өткізугеде қолайсыздық тудырып келген. Енді жаңа алаң жасөспірімдерді дұрыс шынықтыруға оң ықпал етеді. Алаң құрылысын қолға алған «Алан» компаниясы ағымдағы жылдың қыркүйегінде жөндеу жұмыстарын бастап қарашаның ортасында аяқтап отыр. Ескі алаң қайта тегістеліп халықаралық талаптарға сәйкестендірілді.
УЕФА ұйымы тікелей қаржыландырған ауқымды жобаға 130 млн.теңге көлемінде қаражат жұмсалды.Жабдықтар Италиядан алдырылды. Стадионның лентасын қиған шаһар басшысы жаңа алаңда алғашқылардң бірі болып ала доп теуіп көрді. Алаңның сапасын өзі жүріп сезінді. Артынша жас спортшылар жаттығу өткізіп көпшілікке шеберліктерін көрсетті.
Айта кетейік, 2018 жылы Шымкент қаласы халқының саны миллионнан асып, Президент жарлығымен республикалық маңызы бар ірі қаланың үштігін құрады. Сәйкесінше, мұндағы құрылыс нысандары мен ірі жобалар халықаралық стандарттарға сай жүргізіле бастады. Жоғарыда аталған алаң да осы жұмыстардың жемісі болмақ.