Орал қаласында Батыс Қазақстан облысы велосипед спорты федерациясының президенті, велосипед және шаңғы спортынан КСРО спорт шебері, ҚР еңбек сіңірген бапкері Асқар Шораевқа арналған алаң ашылып, тақтатас орнатылды. Салтанатты шараға қала әкімінің орынбасары Ерлан Ғалиев қатысып, жаңа алаңмен барша қалал тұрғындарын құттықтады, деп хабарлайды kazlenta.kz.
Орал қалалық мәдениет және демалыс саябағының оң жағалауында орналасқан алаңның салтанатты ашылуында қала әкімінің орынбасары Ерлан Ғалиев Асқар Ишанұлының жастарды қолдап, спортқа баулудағы және өңірдегі спорт саласының дамуына қосқан үлесін атап өтті. Осы орайда спортшы ардагерге шапан жабылыып, қала әкімінің арнайы алғыс хатын табыс етілді.
Асқар Шоревтың аталмыш идея 2012 жылы ойына келгенін, және көп ұзатпай өңір басшылығына айтылған ұсынысы қолдау тапқанын айтып өтті.
Аталмыш жоба «ҚПО б.в» компаниясының қаржыландыруымен, мердігер «Марасант» ЖШС комапниясының құрылысымен іске асырылды. Нәтижесінде 41 гектарлық аумақ игеріліп, жалпы ұзындығы– 2,7 шақырымдық велосипед жолы салынды. Оның 400 метрі – балаларға арналған шағын айналым жолы. Жаңа орында асфальтты-бетонмен жабылған 800 метр қашықтықты қамтитын автокөлік жолы да қарастырылған. Жол бойы арнайы сызықтармен екшеленіп, белгілер таңбаланды. Елбасының 2020 жылға дейін бұқаралық спортпен айналысушылардың қатарын 30 пайызға дейін жеткізу жөніндегі тапсырмасынан бері бері аймағымызда арнайы алаңдармен қоса, спортпен айналысушылар саны көбейіп келеді. Осы орайда жыл бойы көпшілік жарыстар өткізіліп келеді. Қазіргі уақытта өңір халқының 30 пайызы бұқаралық спортпен айналысушылардың қатарынан табылады. Оның ішінде велосипедшілер де күн санап көбейіп келеді.Салтанатты ашылу қалалық дене шынықтыру және спорт бөлімі ұйымдастырған жас спортшылардың веложарысымен жалғасын тапты.