Бәсекеге қабілетті және экспортқа бағдарланған өнім шығаратын жаңа өндірістер ашуға баса назар аударылатын болады. Бұл да партияның жаңа сайлауалды бағдарламасында қаралған.
«Zoom» платформасы арқылы онлайнда заң саласы өкілдерімен өткізілген кездесуде қозғалған мәселе бұл. Партиялық тізім бойынша облыстық және аудандық мәслихат депутаттығына кандидаттар байланыста болған заң қызметкерлеріне осындай ақпараттар жеткізді.
«Nur Otan» партиясы 2025 жылға дейін жеке инвестициялар есебінен шамамен 3 өңдеуші кәсіпорынды іске асыруға және 2025 жылға дейін 3 сүт-тауарлы ферма және 3 мал шаруашылығы базалары салынуына ықпал етеді (Қостөбе, Түймекент, Ботамойнақ, Дихан, Көптерек, Ынтымақ).
Бұдан бөлек, жыл сайын 1,5 мыңнан кем емес жұмыс орындарын құруға, бос тұрған жұмыс орындарына, әлеуметтік жұмыс орындарына 286 адамнан кем емес, жастар тәжірибесіне 192 адамнан кем емес тартуға, 200 кредиттен кем емес шағын несие беруге ниетті.
Ал, еңбек нарығының қажеттіліктерін ескере отырып, кадрларды қайта даярлау бағдарламаларын тиімді іске асыруға қол жеткізу де басым бағыттар қатарында.
Қабылданған кешенді жоспар нәтижесінде ауданымызда 5 жыл ішінде шамамен 1,5 мың жаңа жұмыс орындары құрылмақ.
Ауыл тұрғындарының табысын арттырып, ішкі азық-түлік нарығының тұрақты және үздіксіз жұмыс істеуін сақтау, сондай-ақ экспорт үшін жаңа мүмкіндіктер іздеуге күш-жігер біріктіріліп, іс-қимыл жасалатын болады.
Автор: Мұхтар МАНЕКЕЕВ, Байзақ ауданы.
«Nur Otan» партиясының Жамбыл облысы Байзақ ауданының Сайлау қорының қаражатынан төленді.