Ru  Kz
Барлық жаңалықтар

Костенко шахтасынан соңғы кеншінің денесі табылды

Костенко шахтасынан соңғы кеншінің денесі табылды
Фото: pixabay.com

Қарағанды облысындағы Костенко атындағы шахтада қаза тапқан кеншілердің соңғысының денесі 30 қазан күні таңертең табылды. Іздестіру жұмысы аяқталды, деп хабарлайды kazlenta.kz тілшісі Zakon.kz сайтына сілтеме жасап.

Қарағандылық журналист Айнұр Балакешова марқұм кенші Сергей Киселевтің туыстарына сілтеме жасап хабарлағандай, оның денесі 30 қазан күні таңертең табылды. Сергей Киселев Костенко атындағы шахтадағы апаттан қаза тапқан кеншілердің соңғысы болды.

"Соңғы болып біздің әкеміз табылды, ол 35 жылдан астам шахтер болып жұмыс істеді", - дейді Сергей Киселевтің балалары.

Мәйіті табылмаған соңғы кеншіні іздеу түні бойы жалғасты. Төтенше жағдайлар министрлігі мен Қарағанды облысы әкімдігінің баспасөз қызметтері қаза тапқан кеншілердің соңғысы табылды деген ақпаратты әзірге ресми растаған жоқ.

Оқиға орнында арнайы комиссия жұмыс істеп жатыр. Төтенше жағдайлар министрлігінің басшысы Сырым Шәріпхановтың төрағалығымен жедел штаб жұмыс істейді.

Бұған дейін Костенко шахтасынан қаза тапқан 45 кеншінің денесін тапты. Жұмыс бір-бірінен шамамен алты шақырым қашықтықта орналасқан екі тау-кен учаскесінің аймағында жүргізілді. Төтенше жағдайлар министрі Сырым Шәріпханов апаттың болжамды ошағын тексеру үшін шахтаға түсті.

Қарағанды облысындағы Костенко атындағы шахтада қайғылы оқиға 28 қазанға қараған түні – 02:33-те болды. Жарылыс кезінде шахтада 252 адам болған, 206 кенші жер бетіне шықты, қалғандары жер астында қалды, іздеу тәулік бойы жалғасты.

Бастапқыда төрт адам қайтыс болды деп хабарланғанымен, құрбандардың нақты саны әлдеқайда көп болып шықты. Табылған 43 мәйіттің сегізі жер бетіне шығарылды, тек 5-еуі ғана анықталды.

Қарағанды, Абай және Шахтинск қалаларындағы ауруханалардың қабылдау және диагностикалық бөлімшелеріне барлығы 28 адам жеткізіліп, 24 зардап шегуші ауруханаға жатқызылды.

Қарағанды кеншілерінің қазасына байланысты 29 қазан Қазақстанда жалпыұлттық аза тұту күні болып жарияланды.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайбергеннің жаңа әні ең көп тыңдалған топ-100 әннің қатарына енді
Актер Шәріп Серік қызды ұрды деп айыпталғаннан кейін мәлімдеме жасады
Валерий Меладзе Астананың сұлулығына таң қалды
Баян Алагөзова сәбилі болды
Қайрат Нұртас 15 тәулікке қамауға алынады
Мультимедиа
Мемлекет басшысы күштік құрылым қызметкерлерін марапаттады
2025 жылғы реформалар мен жаңа өзгерістер: Көлік министрлігі
Мемлекет басшысы KIS Astana халықаралық мектебін аралап көрді
Шымкентте «Көк тудың желбірегені» атты патриоттар форумы өтті
Олжас Бектенов Президенттің Жаңаөзенді дамыту жөніндегі тапсырмаларының орындалуын тексеріп, ГӨЗ құрылысымен танысты