Роза Рымбаева концертіне бөлінген қаражат төңірегіндегі шуға пікір білдірді

Роза Рымбаева концертіне қарастырылған миллиондаған қаржыға қатысты пікір білдірді. Өнер иесі бөлінетін қаражаттың барлығы өз қалтасына кетпейтінін түсіндірді. Сөзінше, ол ақшаның өз есебі бар. Әртіс концертке әкімдік бөлген сомадан бөлек өз қалтасынан да қомақты ақша шығаратынын айтты, деп жазады KAZ.NUR.KZ-ке сілтеме жасаған kazlenta.kz

Роза Рымбаева "Менің өмірім" бағдарламасында ел ішінде қызу талқыланған жайтқа түсініктеме беріп, көптің көкейінде жүрген сұраққа жауап берді.

"Мен әкімшілікке қарайтын әншімін, ресми жұмысым сол. Сондықтан біздің концерттік бағдарламаның бірінші қолдаушысы – әкімдік. Біраз әңгіме болды. Бірақ әлі де жыл аяғына дейін уақыт бар. Болса болады, болмаса ол - мен үшін емес, көрерменге керек. Мен өз орнымды баяғыда алған әншімін деп ойлаймын. Бір залдың жалға алу құны, декорациясы, жарық, контент - қаншаға шығатынын білмейсіз. Оған қоса дирижердің жұмысы, оркестрдің дайындығы, орындалатын шығармалардың авторлары, балет, оның дайындығы, костюмі, қойылымы, режиссерлердің жұмысы бар. Залда - бір режиссер, телевизияда - бір режиссер болады. Әр әнге контент қоясың. Соның бәрін есептеген кезде бөлінетін соманың жартысы автоматты түрде кетіп қалады.

Ал қалған ақша режиссер, балет, партитура және т.б. қызметтердің ақысына төленеді.  Одан Рымбаева тіпті бір көйлекке ақша тапса, бұйырмасын. Керісінше, жылда беріп жүрміз ғой. Мен үстінен 20-30 мың доллар өз қалтамнан қосамын. Жетпей жатады. Тұңғыш концерт болғандықтан, Әлидің концертіне де өз қалтамнан ақша қостым. Оны ел алды да үдетіп жіберді. Сол ақшаның бәрі менің қалтама кетіп жатқандай. Ол менің қалтама түспейді. Әкімдіктің өз шоттары бар. Әр дирижермен, басқа да қызметкерлермен өздері есептеседі. Менің бірінші жұмысым - әнді дұрыстап айту. Дайындыққа көп күш кетіп қалады. Көрермендер оны білмей жатады. Олар концерттің бар ақшасын Рымбаева қалтасына салды деп ойлайды. Ақшаның бәрі менде деп ойлайды. Жоқ ақшаның маған тіпті қатысы жоқ. Көрермен дұрыс түсінбей жатыр", - деді әртіс.скачать dle 11.1смотреть фильмы бесплатно