Ninety One тобының тағы бір мүшесі отбасын құрды. Күні кеше атышулы ұжымның көшбасшысы Дулат Мұхаметқалидің үйлену тойы дүркіреп өтті, деп жазады KAZ.NUR.KZ-ке сілтеме жасаған Kazlenta.kz
Көпшілікке ZAQ лақап атымен танылған әртістің шаңырақ көтергені туралы Instagram желісінен белгілі болды. Ninety One тобының өзге мүшелері той барысынан түрлі видео жариялап, Дулаттың үйленгенін ресми түрде растады.
Белгілі болғандай, ZAQ-тың таңдауы Жадыра есімді аруға түскен. Қалыңдық жайлы әзірге көп ақпарат жоқ.
Ал екі жастың қуанышында жігіт жолдас қызметін танымал жас актер Сануржан Сүлейменов атқарған.
Айта кетейік, осымен Ninety One тобының екінші мүшесі ресми түрде бойдақтар тізімінен шығып отыр. Бұған дейін топ вокалисі Батырхан Мәліковтың да отбасын құрғаны белгілі болды.
21-07-2022, 16:17
Атышулы Ninety One тобының әншісі үйленді
Егер мәтінде қате байқасаңыз, оны таңдап, Ctrl+Enter пернелерін басыңыз