Ведомствоның мәліметінше, қайғылы жағдай 27 маусым күні сағат 17:00 шамасында Панфилов көшесінде орналасқан көпқабатты үйлердің бірінде болған.
"6-қабатта орналасқан пәтердің ашық терезесінен 2019 жылғы бала құлап, көз жұмды. Баланың анасы сол уақытта көрші бөлмеде болған", - деп мәлім етті өңірлік ТДЖ. Ведомство осындай жазатайым оқиғалардың себептерін атап өтті.
"Балалардың құлау себептері бұрынғыдай: оларды терезелері ашық үй-жайларда қараусыз қалдыру, терезелерде қауіпсіздікті қамтамасыз ететін арнайы бұғаттауыштардың және өзге де құрылғылардың болмауы, терезенің жанына жиһаз-үстелдерді, орындықтарды, дивандарды қою. Бұл ретте москит торлары да үлкен қауіп төндіреді", - дейді ТДЖ мамандары.
Осы орайда құтқарушылар ата-аналарды келесі ережелерді қатаң сақтауға шақырды: баланы терезесі ашық тұрған үй-жайда қараусыз қалдырмау; металл-пластикалық терезелердегі "микро-желдету" режиміне сенуге болмайды.
Себебі, бұл режимде тұрған терезені тұтқасынан тартып, оңай ашуға болады; терезедегі балаларды қорғау құралдарына сенім артпаңыз: баласы бар үйдегі металл-пластикалық терезелер терезенің ашылуын болдырмайтын арнайы құрылғылармен жабдықталуы керек; баланы терезенің алдына отырғызбаңыз, бұл әрекет арқылы оны өз бетінше терезе алдына шығып алуына ынталандыруыңыз мүмкін; балаға құлау кетуі мүмін екенін айтып, ашық терезенің қаншалықты қауіпті екенін түсіндіріңіз.