СҚО әкімі Айдарбек Сапаров «Sensitive» би тобының жетекшісімен кездесті, деп хабарлайды kazlenta.kz.
Ольга Ростовщикова – нағыз кәсіби маманның, білікті басшының және дана тәлімгердің үлгісі.Оның күш-жігері мен бүкіл ұжымның қажырлы еңбегінің арқасында «Sensitive» Испанияда өткен халықаралық байқауда бас жүлдені жеңіп алды. Ансамбль бұған дейін АҚШ пен БАӘ-де жеңіске жетті. Бұл жайында облыс әкімі Айдарбек Сапаров әлеуметтік желідегі парақшасында жазды.
"Солтүстіктің қыз-жігіттері өздерін бүкіл әлемге танытып, әлем сахнасының жұлдызына айналды. Бишілеріміз өнерлі, ынталы жандарға еш кедергі болмайтынын өз үлгісімен көрсетуде. Олар қазір заманауи би өнерін қалыптастыруда", — деп жазды өңір басшысы.
Облыс әкімі «Sensitive» командасына мұнымен тоқтап қалмай, бұдан да көп шығармашылық жеңістерге жетулеріне тілек білдірді.