FlyArystan әуекомпаниясының ұшағы орындайтын КC7166 Орал - Алматы рейсі өндірістік қажеттілікке байланысты кешігіп жатыр, деп хабарлайды kazlenta.kz тілшісі ҚазАқпарат сайтына сілтеме жасап.
«11 шілде күні сағат 21:00-де орындалуы тиіс КC7166 Орал - Алматы рейсі өндірістік қажеттілікке байланысты кешіктірілді. Рейс Орал қаласының жергілікті уақыты бойынша алдын ала 12 шілдеді сағат 09:20-да ұшады деп жоспарланып отыр», - делінген компанияның баспасөз қызметі таратқан хабарламада.
Еске салайық, Азаматтық авиация комитетінің мәліметінше, рейс 2 сағаттан артық кешіктірілген кезде жолаушыларға сусындар, 5 минуттан аспайтын 2 телефон қоңырауын немесе 2 электрондық пошта хабарламасын жолдау мүмкіндігі ұсынылады.
Ал, 4 сағаттан артық кешіктірілгенде ыстық тамақ беріледі.
5 сағаттан аса кешіктірілгенде бір рет тегін әуе билеттің уақытын өзгерту мүмкіндігі ұсынылады.