Алматы полициясы тапаншамен қаруланған ерлерді ұстады, – деп хабарлайды kazlenta.kz тілшісі Polisia.kz сайтына сілтеме жасап.
26, 25, 28 жастағы азаматтар қаруларын әлеуметтік желіде көрсеткен. Мұндай өрескел және жол беруге болмайтын әрекеттерге алғаш болып ұйымдасқан қылмысқа қарсы күрес басқармасының қызметкерлері әрекет етті.
Күдіктілер ұсталды. Олардан 16 оқпен бірге MP371 тапаншасы тәркіленді. Ұсталғандардың жеке басы қандай да бір заңсыз әрекеттерге қатысы бар-жоғы бойынша полиция жазбаларына сәйкес тексерілетін болады. Сонымен қатар олармен құқықтық түсіндіру жұмыстары жүргізілді.