Ru  Kz
Барлық жаңалықтар

ҚР Денсаулық сақтау министрлігі МӘМС проблемалық мәселелерін шешу бойынша шаралар қабылдады

ҚР Денсаулық сақтау министрлігі МӘМС проблемалық мәселелерін шешу бойынша шаралар қабылдады
Фото: gov.kz

Мемлекет басшысының әлеуметтік медициналық сақтандыру жүйесінің тиімділігін арттыру туралы тапсырмаларының шеңберінде Денсаулық сақтау министрлігі Медициналық сақтандыру қорымен бірлесіп медициналық көмекті қаржыландырумен байланысты жағдайды жақсарту жөнінде бірқатар шешімдер қабылдады, деп хабарлайды kazlenta.kz тілшісі ҚР ДСМ баспасөз қызметіне сілтеме жасап.

Консультациялық-диагностикалық көмек (КДК) көрсету деңгейіндегі проблемалардың бірі осы қызметтерді көп тұтыну болды. Бірінші себеп кейбір медициналық ұйымдарда қызметтер көлемінің 80%-на дейін үшінші тарап ұйымдарына берілген кезде КДК-ны бірлесіп орындауға берумен байланысты, бұл Медициналық сақтандыру қорының негізгі жеткізушілерінің борыштық міндеттемелерінің қауіптерін арттырады.

Сондай-ақ, қосып жазу, шамадан тыс диагностика, мемлекеттік ұйымдарда амбулаториялық-емханалық көмектің болмауы базасында зертханалық-диагностикалық қызметтер көрсетуді, арнайы мамандардың консультацияларын дамытуға деген ұмтылысты қиындатады.

Шектелген бюджетте артық шығыстарды тежеу үшін Денсаулық сақтау министрлігі ағымдағы жылдың 1 ақпанынан бастап консультациялық-диагностикалық қызметтерге қаржы ағындарын бақылауды, желілік шкаланы енгізді, бұл медициналық қызметтерді жеткізушілер мен бірлесіп орындаушылардың арасында наразылық тудырды.

Шиеленісті жағдайды шешу мақсатында Денсаулық сақтау министрі Ажар Ғиният өңірлердің емханалары мен стационарлары дәрігерлерінің, әлеуметтік Медициналық сақтандыру қорының аумақтық филиалдары директорларының қатысуымен бірқатар кездесулер өткізді, онда проблемалық мәселелер ашық талқыланды.

Талқылау қорытындысы бойынша ҚР ДСМ Қормен бірлесіп қысқа мерзімді кезеңге мынадай шараларды іске асыру туралы шешім қабылдады. Амбулаториялық деңгейде бірінші - бірлескен орындаушылардан желілік шкаланы алып тастау. Екінші - көрсетілген қызметтердің негізділігі мониторингінен кейін қосымша қаржыландырудың есебінен ақпан-наурыз айларында консультациялық-диагностикалық қызметтер бойынша орындалған көлемдерге ақы төлеуді жүргізу. Үшінші - медициналық көмектің жекелеген бағыттары бойынша тарифтерді көтеру. Үздіксіз стационарлық көмек көрсетуді қамтамасыз ету үшін Министрлік Медициналық сақтандыру қорымен бірлесіп шұғыл жағдайларды емдеуге арналған шығыстарды жабу үшін резервтік көздерден қосымша қаржыландырумен көп бейінді ауруханаларда шұғыл травматология мен босанудың желілік шкаласын алып тастау жөніндегі шараларды қарайтын болады. Бұдан басқа, балаларды оңалту, пульмонология, педиатрия және т. б. сияқты медициналық көмектің жекелеген бағыттары бойынша тарифтерді арттыру жоспарлануда.

Кейбір ауруханалардың кредиторлық берешегін ескере отырып, қаржылық сауықтыру жоспарлары әзірленді, оған сәйкес жергілікті атқарушы органдардың бюджеті есебінен медициналық ұйымдардың борыштарын өтеу бойынша ведомствоаралық меморандумдар жасалды.

Ауылдық денсаулық сақтауда халқы аз жерлерде денсаулық сақтау ұйымдарына сараланған арттыру коэффициентін қолдану көзделеді.

Бұған дейін Денсаулық сақтау министрі Ажар Ғиният өңірлердің бас дәрігерлерімен, сондай-ақ Астана қаласының №6 қалалық емханасы мен №3 қалалық көп бейінді ауруханасының дәрігерлерімен медициналық көмекті қаржыландыру және емдеу процесін ұйымдастыру мәселелері бойынша кездесу өткізді.

А. Ғиният емханада жаңадан ашылған жедел жәрдем бөлімшесін, скринингтік кабинеттерді қарап, жалпы практика дәрігерлерімен, арнайы бейінді мамандармен әңгімелесті.Өз кезегінде министр пациенттерді қажет болған жағдайда ғана арнайы мамандарға жіберуі тиіс, ал таралған аурулардың тізбесін диагностикалау мен емдеуді өз бетінше жүзеге асыруы тиіс жалпы практика дәрігерлерінің (ЖПД) біліктілігін арттыру туралы мәселені көтерді.

Бұл ретте, ведомство басшысы Ажар Ғиният жалпы халыққа медициналық көмек көрсетуге бағытталған қаржы қаражатының пайдаланылуын, оның сапасы мен тиімділігін Медициналық сақтандыру қорының сараптамасы тарапынан да, мониторингтің цифрлық құралдарының көмегімен де бақылау күшейтілетінін атап өтті.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Димаш Құдайберген Сербияда беделді «Ағайынды Карич қоры» сыйлығын алды
Мультимедиа
Олжас Бектенов Nazarbayev University ғылыми әзірлемелерімен танысты
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты
Қасым-Жомарт Тоқаев Президенттік жастар кадр резервінің форумына қатысты
Олжас Бектенов IV қысқы жасөспірімдер арасындағы Олимпиада ойындарының жеңімпаздарына Мемлекет басшысының алғыс хаттарын табыс етті