Ru  Kz
Барлық жаңалықтар

Қызылордадағы мектептердің бірінде 9 жастағы қыздың үстіне шкаф құлады

Қызылордадағы мектептердің бірінде 9 жастағы қыздың үстіне шкаф құлады
Фото: tengrinews.kz

Қызылордадағы мектептердің бірінде 9 жастағы қыздың үстіне шкаф құлап кетті, - деп хабарлайды kazlenta.kz тілшісі Tengrinews.kz-ке сілтеме жасап.

Қызылордадағы жекеменшік мектепте шкаф төртінші сынып оқушысының үстіне құлап кетті. Ол түрлі жарақаттармен ауруханаға жеткізілді. Әлеуметтік желіде зардап шеккен оқушы қыздың анасының үндеуі пайда болды.

"Сыныпта қызымның үстіне шкаф құлады. Қазір ол көпсалалы облыстық балалар ауруханасында ауыр халде жатыр. Мектеп әкімшілігінен адамдар келіп, арызды қайтарып алсақ, қаржылай көмек көрсетеміз деді. Бірақ біз бас тарттық. Қызымыздың жағдайы ауыр, біз оны қалпына келтіруге қанша уақыт пен ақша кететінін білмейміз. Дәрігерлер де ешқандай кепілдік бермеді. Сондықтан біз бәрін заң аясында шешу керек деп ойлаймыз. Біз арыз жазғанбыз. Ол жауапсыз қалмайды және кінәлілер жазасын алады деп сенеміз", – деп жазды қыздың анасы желідегі парақшасында.

Қыздың әкесінің айтуынша, барлық оқиға сыныпта болған. Кенет құлаған шкафтың жанында оның қызы мен тағы бірнеше баласы тұрған. Зардап шеккен қыздан басқасының бәрі қашып үлгерген.

"Шкаф өте үлкен және ауыр болған. Бірақ ол ештеңеге бекітілмеген болып шықты. Қызымды сауықтыруға мектеп әкімшілігі көмектессін", - дейді зардап шеккен оқушы қыздың әкесі.

Қалалық білім бөлімі оқиғаны растады.

"Бүгінгі күні жоғарыда аталған зияткерлік мектептің басшылығы зардап шеккен балаға көмек көрсетіп жатыр. Оқиғаға байланысты қалалық ішкі істер басқармасы тергеу жүргізіп жатыр", - деп атап өтті білім басқармасында.

Облыстық көпсалалы балалар ауруханасы қыздың ауыр халде түскенін хабарлады.

"Қыздың бүйрегі жарақаттанған, қуық контузиясымен ауруханаға жатқызылды. Сан сүйегінің ығысқан сынығы, бірінші бел омыртқасының көлденең өсіндісінің жабық ығысқан сынуы диагнозы қойылды", - дейді дәрігерлер.

Полицейлер Қылмыстық кодекстің 140-бабының 2-бөлігі "Кәмелетке толмаған баланы тәрбиелеу жөніндегі міндеттерді орындамау" бойынша тергеуді бастады.

"Қазіргі уақытта қылмыстық іс бойынша тергеу амалдары жүргізіліп жатыр. Қазақстан Республикасы Қылмыстық-процестік кодексінің 201-бабының талаптарына сәйкес сотқа дейінгі тергеп-тексеру деректері жариялануға жатпайды", - деп қосты полиция.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Димаш Құдайберген Сербияда беделді «Ағайынды Карич қоры» сыйлығын алды
Костенко шахтасындағы апат: Әнші Димаш жас баласы бар 20 отбасыға 20 миллион теңге аударды
Мультимедиа
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты
Қасым-Жомарт Тоқаев Президенттік жастар кадр резервінің форумына қатысты
Олжас Бектенов IV қысқы жасөспірімдер арасындағы Олимпиада ойындарының жеңімпаздарына Мемлекет басшысының алғыс хаттарын табыс етті
Алматы Халықаралық әуежайының жаңа терминалы 87% дайын