ҰҚК-ның бұрынғы төрағасы 3 бап бойынша кінәлі танылды, деп хабарлайды kazlenta.kz тiлшici BAQ.KZ сайтына сiлтеме жасап.
ҚР ҰҚК бұрынғы төрағасы Кәрім Мәсімов мүлкі тәркіленіп, 18 жылға сотталды. Ол "мемлекетке опасыздық жасағаны" (ҚК 175-бабының 1-бөлігі), "билікті күшпен басып алғаны" (ҚК 179-бабының 3-бөлігі) және "билік пен лауазымдық өкілеттіктерді асыра пайдаланғаны" (ҚК 362-бабының 4-бөлігі 3-тармағы) үшін кінәлі деп танылды.
Ал оның орынбасарлары А.Садықұлов - 16 жылға, Д.Ерғожин - 15 жылға, М.Осипов 3 жылға бас бостандығынан айырылды. Сотталушылардың барлығы өмір бойы мемлекеттік қызметте лауазым иелене алмайды. Сонымен қатар барлығы генерал шендерінен және мемлекеттік наградаларынан айырылады.
Сонымен қатар сотталушылардан мемлекет кірісіне 10 миллиард теңгеден астам қаржы және 24 млн АҚШ доллары өндіріп алынды. Үкім заңды күшіне енген жоқ.