Бірінші наурызда мерзімді әскери қызметке көктемгі шақыру басталды. Шақыру науқаны ағымдағы жылдың 30 маусымында аяқталады. Осы уақыт ішінде Қарулы Күштердің, басқа да әскерлер мен әскери құралымдардың қатарын 18 бен 27 жас аралығындағы жастар толықтырады, деп хабарлайды kazlenta.kz.
Бұл туралы жастарға шақыру қағаздары, 1414 сервисі арқылы SMS-хабарламалар бойынша ақпарат жекткізіледі.
Жергілікті жерлердегі шақыру комиссияларын қалалар мен аудандар әкімдерінің орынбасарлары басқарады. Олар азаматтардың өтініштерін шақыру комиссиясының шешімімен немесе медициналық қорытындымен келіспеген жағдайда қарайды.
Барлығы 18 мыңнан астам адам, оның ішінде: Қарулы Күштерге 7 мыңнан астам, Ұлттық ұланға 6 мыңнан астам, ҰҚК Шекара қызметіне 3 мыңнан астам, ТЖ министрлігіне 300-ден астам, Мемлекеттік күзет қызметіне 80-нен астам адам шақырылуға жатады.