Синоптиктер 31 қаңтар, сейсенбіге арналған ауа райы болжамын ұсынды. Олардың болжамынша, қаңтардың соңғы күні Алматы мен Шымкентте күн жылы болса, Астанада аяз күтіледі, деп хабарлайды "Қазгидромет" РМК.
Метеорологтардың мәліметінше, бүгін Алматы қаласында күн көшпелі бұлтты, жауын-шашынсыз. Күндіз +2...+4 градус жылы, түнде -5...-7 градусқа дейін төмендейді. Желдің жылдамдығы 0-5 м/с. Астанада да бүгін күн жауын-шашынсыз. Термометр көрсеткіштері күндіз -11...-13 градус аязды көрсетсе, түнде -25...-27 градусқа дейін төмендеуі ықтимал.
Елордада желдің жылдамдығы 1-6 м/с-ке дейін жетпек. Ал Шымкентте күн жаңбырлы болады деп күтілуде. Десе де, күндіз +7...+9 градус жылы болмақ, түнде 0...-2 градусқа дейін төмендеуі мүмкін. Сонымен бірге синоптиктер қала тұрғындарына 5-10 м/с-қа дейін жел күшеюі мүмкін екенін ескертеді.
31-01-2023, 09:01
Ел мегаполистерінің бірінде бүгін күн жылынады
Егер мәтінде қате байқасаңыз, оны таңдап, Ctrl+Enter пернелерін басыңыз