Синоптиктер 13 қазанда Қазақстанның ірі қалаларында ауа райы қандай болатынын болжады. Олардың мәліметінше, бүгін Астана, Алматы және Шымкентте күн жылы болады, деп хабарлайды Қазгидромет.
Астанада жауын-шашын күтілмейді, көшпелі бұлт шығады. Қалада күндіз +17...+19, түнде термометр бағанасы +4...+6 градусты көрсетеді. Желдің жылдамдығы – 2-7 м/с. Алматылықтарды жылы әрі шуақты күн күтуде. Қалада күндіз +20...+22 градусқа дейін жылы болса, түнде ауа температурасы +7...+9 градусқа дейін төмендейді. Желдің жылдамдығы 2-7 м/с болады.
Шымкентте метеорологтардың болжамынша, бейсенбі жауын-шашынсыз өтеді. Күндіз +23...+25, түнде +10...+12 градус жылы болады. Мегаполисте желдің жылдамдығы 8-13 м/с.
13-10-2022, 09:09
Бүгін еліміздің ірі қалаларында ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз